حکمران جماعت پاکستان تحریک انصاف کے ناراض اراکین کی جانب آج ہی عمران خان کا ساتھ چھوڑنے کے اعلان کا امکان ظاہر کیا جا رہا ہے۔
سینئر صحافی مبشر زیدی نے اپنی ٹویٹ میں بتایا کہ پی ٹی آئی کے منحرف اراکین قومی اسمبلی کی جانب سے آج ہی عمران خان کا ساتھ چھوڑنے اور تحریک عدم اعتماد میں ان کیخلاف ووٹ دینے کا اعلان سامنے آنے کا امکان ہے۔
#BREAKING…..Dissident @PTIofficial MNAs likely to come out open tonight to announce their decision to vote against PM @ImranKhanPTI in #NoConfidenceMotion
— Mubashir Zaidi (@Xadeejournalist) March 17, 2022
دوسری جانب اینکر سعدیہ افضال نے بھی اپنی ٹویٹ میں بھی اس قسم کی پیشگوئی کرتے ہوئے لکھا کہ آج رات پی ٹی آئی کے متعدد اراکین اسمبلی عمران خان کیخلاف جانے کا اعلان کر سکتے ہیں۔
A number of PTI MNAs to announce their decision to go against PM Imran Khan most likely tonight!!
— Saadia Afzaal (@SaadiaAfzaal) March 17, 2022
یہ بھی پڑھیں: وزیراعظم نے حساس اداروں کو ارکان پارلیمنٹ کی سخت مانیٹرنگ کا حکم دیدیا
دوسری جانب وزیراعظم عمران خان کی سربراہی میں ہونے والے سیاسی کمیٹی کے اجلاس میں ارکان پارلیمنٹ کی مانیٹرنگ کا فیصلہ کیا گیا ہے۔
جیو نیوز کے ذرائع کے مطابق عمران خان کی زیر صدارت ہونے والے سیاسی کمیٹی کے ہنگامی اجلاس میں کچھ ارکان پارلیمنٹ کے مسنگ ہونے پر تشویش کا اظہار کرتے ہوئے ان کی مانیٹرنگ کا بڑا فیصلہ کیا گیا۔
ذرائع کا بتانا ہے کہ سویلین حساس اداروں کو ارکان پارلیمنٹ کی مانیٹرنگ کا حکم دے دیا گیا ہے، اداروں کو ارکان پارلیمنٹ کی لوکیشن، کال ڈیٹا اور نقل و حرکت کی مانیٹرنگ کا کہا گیا ہے۔
وزیراعظم نے سویلین حساس اداروں کو سندھ ہاؤس کی بھی سخت مانیٹرنگ کی ہدایت کی ہے اور روزانہ کی بنیاد پر رپورٹ پیش کرنے کا حکم دیا گیا ہے۔ خیال رہے کہ اس سے قبل ذرائع کے ذریعے سیاسی کمیٹی کے اجلاس سے یہ بات بھی سامنے آئی وزیراعظم کا کہنا تھا کہ سندھ ہاؤس کو ہارس ٹریڈنگ کا بازار نہیں بننے دیں گے۔
