اقوام متحدہ نے جنوبی سوڈانی مہاجرین کے لیے 1.2 بلین ڈالر کی امداد کا مطالبہ کیا ہے جو اپنے ممالک کو چھوڑ کر افریقہ کے مختلف ممالک کو نقل مکانی کر گئے ہیں۔
سوئٹزرلینڈ کے شہر جنیوا میں اقوام متحدہ کے دفتر میں پریس کانفرنس سے خطاب کرتے ہوئے اقوام متحدہ کے ہائی کمشنر برائے مہاجرین کے ترجمان میتھیو سالٹ مارش نے اس بات پر زور دیا کہ جنوبی سوڈانی مہاجرین افریقہ کا سب سے بڑا ہجرت کا مسئلہ ہیں۔
سالٹ مارش نے بتایا کہ تقریباً 2.3 ملین جنوبی سوڈانی مہاجرین جمہوری جمہوریہ کانگو، ایتھوپیا، کینیا، سوڈان اور یوگنڈا میں مقیم ہیں۔”تمام تر امن کوششوں کے باوجود، تقریباً 10 سال کے تنازعے کے بعد، جنوبی سوڈان اس وقت تشدد، خوراک کے دائمی عدم تحفظ اور قدرتی آفات کے اثرات سے دوچار ہے۔”
سالٹ مارش نے اس بات پر زور دیا کہ کورونا وائرس کی وبا نے جنوبی سوڈان میں انسانی صورتحال کو مزید خراب کر دیا ہے۔
