یوکرین کے جنوبی شہر میکو لائیف میں روسی فوج نے یوکرینی فوج کی بیرکوں کو نشانہ بناتے ہوئے ایک بڑا حملہ کیا ہے جس کے نتیجے میں درجنوں فوجیوں کی ہلاکت کی اطلاعات ہیں۔
روسی فوج نے فوجی املاک کو نشانہ بنانے کے بعد میکولائیف شہر میں بڑے پیمانے پر فضائی حملے کیے گئے ہیں۔
علاقائی گورنر فیتالی کیم کا کہنا ہے کہ ہم ہوائی حملوں کے بارے میں انتباہ نہیں کر سکتے کیونکہ یہ بمباری ہمارے کچھ کرنے سے پہلے ہی کی جاتی ہے۔
عینی شاہدین نے گزشتہ جمعہ کو اس شہر کے شمال میں ایک فوجی بیرک کو نشانہ بنانے والے چھ میزائلوں کی بمباری سے ہونے والی ہلاکتوں کے مختلف اندازوں کا انکشاف کیا ہے ۔
فیٹالی کیم نے کل صبح فیس بک پر پوسٹ کیے گئے ایک ویڈیو کلپ میں اعلان کیا تھا کہ روسیوں نے سوئے ہوئے فوجیوں پر میزائل حملے کیے ہیں جبکہ امدادی آپریشن ابھی بھی جاری ہے۔
اپنی طرف سے اس جگہ پر موجود ایک سپاہی ایوگینیچ نے کہا کہ اس بیرک میں 200 نوجوان فوجی موجود تھے اور ملبے سے کم از کم 50 لاشیں نکالی گئیں۔ ایک ساتھی نے اندازہ لگایا کہ ہلاکتوں کی تعداد 100 تک پہنچ سکتی ہے۔
ایک امدادی کارکن نے بتایا کہ ہم گنتی جاری رکھے ہوئے ہیں، لیکن لاشوں کی حالت کے باعث یہ جاننا ناممکن ہے
