ایک سینئر امریکی دفاعی اہلکار نے اطلاع دی ہے کہ روس نے اپنے کچھ فوجیوں کو جارجیا سے یوکرین منتقل کرنا شروع کر دیا ہے۔
سینئر دفاعی اہلکار نے، جس کا نام ظاہر نہیں کیا گیا، کہا ہے کہ پینٹاگون کے پاس یہ معلومات موجود نہیں کہ اس مرحلے پر کتنے فوجیوں کی منتقلی وقوع پذیر ہوئی ہے۔
دوسری جانب اہلکار نے مزید کہا کہ اس بات کا مشاہدہ ہوا ہے کہ روسی افواج نے کیف میں زمینی کارروائیاں روک دی ہیں،جبکہ فضائی کارروائیاں اور میزائل داغنے کا سلسلہ جاری رکھا ہوا ہے اور زمینی عناصر دفاعی لائنوں کی طرف پیچھے ہٹ رہے ہیں۔
