پشاور: تھانہ بھانہ ماڑی پولیس نے غیر قانونی اسلحہ کی بھاری کھیپ برآمد کر لی۔
تفصیلات کے مطابق تھانہ بھانہ ماڑی پولیس نے خفیہ اطلاع پر کارروائی کے دوران گاڑی کے ذرےعے اسلحہ کی بھاری کھیپ سمگل کرنے کی کوشش ناکام بناتے ہوئے دو ملزمان کو گرفتار کر لیا ۔گرفتار ملزمان میں عبدالحمید ولد محمد عرس اور مصطفی خان ولد شیرزادہ شامل ہیں جن میں سے ایک کا تعلق کراچی جبکہ دوسرا درہ آدم خیل کا رہائشی ہے۔ دونوں ملزمان نے ابتدائی تفتیش کے دوران اسلحہ سمگلنگ میں ملوث ہونے کا اعتراف کر لیا جو گاڑی کے ذرےعے اسلحہ کراچی سمگل کرنے کی کوشش کر رہے تھے۔ کارروائی کے دوران گاڑی سے 28 عدد مختلف بور کے رائفل، میگزین اور نائن ایم ایم پستول بھی برآمد کر لئے ۔ ملزمان سے متعلق مقامی ذرائع سے بھی معلومات حاصل کی جا رہی ہیں جن کے خلاف مقدمہ درج کر کے ان سے مختلف زاویوں پر تفتیش شروع کر دی گئی ہے۔
