لاہور: صوبائی وزیر صنعت و تجارت میاں اسلم اقبال نے کہا ہے کہ باشعور عوام لٹیروں کو کبھی دوبارہ قومی خزانے پر ہاتھ صاف نہیں کرنے دیں گے۔
اپنے جاری کردہ بیان میں صوبائی وزیر صنعت و تجارت میاں اسلم اقبال کا کہنا تھا کہ 27مارچ کے تاریخ ساز جلسے نے اپوزیشن کے ہوش اڑادئیے۔
میاں اسلم اقبال کا کہنا تھا کہ پریڈ گراؤنڈ میں عوام کے سمندر نے اپوزیشن کی بازی پلٹ دی، عوام کی طاقت سے منتخب حکومت کے خلاف ہر سازش ناکام بنادیں گے۔ پریڈ گراؤنڈ کے تاریخی جلسے نے پاکستان تحریک انصاف کو سیاسی تقویت دی، ن لیگ کے مہنگائی مارچ کی ناکامی اپوزیشن کیلئے نوشتہ دیوار ہے۔
صوبائی وزیر صنعت نے مزید کہا کہ بے روزگاروں کا ٹولا روزگار کی تلاش میں سڑکوں پر نکلا ہوا ہے، اقتدار کے متلاشیوں کے چہرے بے نقاب ہوچکے ہیں۔
؎
