ماسکو:روس نے یوکرین کے شہر ماریوپول اور اس کے ارد گرد کے علاقے میں فائر بندی کی تجویز پیش کر دی ہے۔ اس کا مقصد وہاں سے عام شہریوں کے انخلاء کو ممکن بنانا ہے
اور اس پر مقامی وقت کے مطابق جمعرات کی صبح دس بجے سے عمل درآمد شروع ہو گیا۔میڈیارپورٹس کے مطابق روس کی اس تجویز میں کہاگیاکہ اس طرح شہری انخلا کے لیے جو راہداری وجود میں آئے گی، اسے بیردیانسک سے لے کر زاپوریژیا کے شہر تک کی شہری آبادی استعمال کر سکے گی۔
جنوبی یوکرین کا شہر بیردیانسک روسی فوج کے کنٹرول میں ہے۔ اس کے برعکس وسطی یوکرینی شہر زاپوریژیا کییف حکومت کے دستوں کے قبضے میں ہے۔ اس سے قبل ماریو پول سے عام شہریوں کے انخلا کے لیے محفوظ راہداری کے قیام کی متعدد کوششیں ناکام ہو گئی تھیں۔
