کراچی ( اسٹاف رپورٹر) نیا ناظم آباد فٹبال گراؤنڈ پر برقی قمقموں کی روشنی میں دوسرا نیا ناظم آباد رمضان کپ فلڈ لائٹس فٹبال ٹورنامنٹ شروع ہوگیا۔ ٹورنامنٹ ڈائریکٹر سید ناصر اسماعیل نے پاکستان آرمی اور بنارس یونائیٹڈ کی ٹیموں کا تعارف مہمان خصوصی سچل رینجرز کے سیکٹر کمانڈر برگیڈیئر الطاف احمد ، اعزازی مہمان ساؤتھ ایشین گولڈ میڈلسٹ نسیم حمید، صدر نیا ناظم آباد جمخانہ سید محمد طلحہ اور منیجر اسپورٹس محمد آصف سے کرایا۔ بریگیڈیئر الطاف احمد کا کہنا تھا کہ رینجرز امن کے ساتھ شہر قائد میں کھیلوں کے فروغ کے لیے بھی کوشاں ہے۔
