سماجی رابطوں کی ویب سائٹ ٹویٹر پر عمران خان کی سابق اہلیہ جمائما گولڈ سمتھ اور معروف صحافی حامد میر کے درمیان نوک جھونک شروع ہو گئی ہے۔ جمائما نے رہائش گاہ کے باہر لیگی کارکنوں کے احتجاجا بارے ٹویٹ کی تو حامد میر نے کہا کہ اپنے بھائی سے کہیں کہ وہ پاکستانی سیاست سے دور رہے۔
خیال رہے کہ مسلم لیگ ن لندن کی جانب سے گذشتہ روز اعلان کیا گیا تھا کہ عمران خان کی سابق اہلیہ جمائما گولڈ سمتھ کی رہائش گاہ کے باہر احتجاج کیا جائے گا۔
PTI must stop protesting outside the house of @NawazSharifMNS in London and PML-N should not do the same outside the house of @Jemima_Khan those who live in glass houses should not throw stones on others https://t.co/Mce7mge9Xj
— Hamid Mir (@HamidMirPAK) April 15, 2022
آج لیگی کارکن جمائما گولڈ سمتھ کی رہائش گاہ کے باہر پہنچے اور یہودیوں اور ان کے بچوں کیخلاف خوب نعرہ بازی کی۔ جمائما نے اپنی ٹویٹ کے ذریعے اس جانب توجہ مبذول کرائی اور کہا کہ مجھے 90ء کی دہائی کا لاہور یاد آ رہا ہے۔
جمائما گولڈ سمتھ نے اپنی ٹویٹ میں لکھا کہ میرے گھر کے باہر مظاہرے میں میرے بچوں کو نشانہ بنانا بنیا جا رہا ہے۔ ایسا لگتا ہے جیسے میں 90ء کی دہائی کے لاہور میں واپس آگئی ہوں۔
You are right but there are ladies in the family of @NawazSharifMNS who have nothing to do with politics but they face abuses everyday, at least you should condemn harassment of women. Secondly your brother @ZacGoldsmith is interfering in Pakistani politics he should stay away. https://t.co/4aDM685XAu
— Hamid Mir (@HamidMirPAK) April 15, 2022
اس ٹویٹ کے ردعمل میں حامد میر نے اس واقعے کی شدید مذمت کرتے ہوئے لکھا کہ نہ تو پی ٹی آئی کے کارکنوں کو چاہیے کہ وہ نواز شریف کے گھر کے باہر احتجاج کیا کریں اور ساتھ ہی لیگی کارکنوں کو بھی چاہیے کہ وہ ایسا نہ کریں۔ شیشے کے گھروں میں رہنے والوں کو دوسروں پر پتھر نہیں پھینکنا چاہیں۔
اس پر جمائما گولڈ سمتھ نے حامد میر کو ٹیگ کرتے ہوئے لکھا کہ فرق یہ ہے کہ میرا پاکستانی سیاست سے کوئی تعلق نہیں اور نہ ہی میرے بچوں کا۔ وہ صرف عام شہری ہیں جو سوشل میڈیا تک استعمال نہیں کرتے۔
You have a point but “polarised” people may not understand. https://t.co/v7CiPpyqzT
— Hamid Mir (@HamidMirPAK) April 15, 2022
اس ٹویٹ کا جواب دیتے ہوئے حامد میر کا کہنا تھا کہ آپ ٹھیک کہہ رہی ہیں لیکن نواز شریف کے خاندان میں بھی خواتین ہیں۔ جن کا سیاست سے کوئی تعلق نہیں ہے لیکن انہیں روزانہ بدسلوکی کا سامنا کرنا پڑتا ہے۔ کم از کم آپ خواتین کو ہراساں کرنے کی مذمت کریں۔ دوسرا آپ کا بھائی پاکستانی سیاست میں مداخلت کر رہا ہے اسے دور رہنا چاہیے۔
