پشاور (جسارت نیوز)خیبر پختونخوا اسپورٹس ڈائریکٹوریٹ کے زیر اہتمام رمضان فٹ بال چیلنج کپ طہماس اسٹیڈیم پشاور میں شروع ہوگیا جس میں ضلع پشاور کی 16ٹیمیں شرکت کر رہی ہے ۔ چمپئن شپ کا باقاعدہ افتتاح ڈی جی اسپورٹس خیبر پختونخوا خالد خان نے فیتہ کاٹ کے کیا۔ابتدائی میچ ینگ شاہین فٹ بال کلب اور افغان فٹ بال کلب کے مابین میچ کھیلا گیا جس میں افغان فٹ بال کلب نے شاندار کھیل کا مظاہرہ کرتے ہوئے برتری حاصل کرلی۔
