مکہ مکرمہ (انٹرنیشنل ڈیسک)سعودی فرمانروا شاہ سلمان جدہ سے مکہ مکرمہ کے الصفا محل میں منتقل ہوگئے، جہاں وہ عید الفطر تک مقیم رہیں گے۔ سعودی ذرائع ابلاغ پر جاری کردہ تصاویر میں انہیں مسجد الحرام میں نماز ادا کرتے دیکھا جاسکتا ہے۔ سعودی میڈیا کے مطابق وہ رمضان المبارک کا آخری حصہ مکہ مکرمہ میں گزاریں گے اور وہیں عید کی نماز بھی ادا کریں گے۔ شاہ سلمان نے یہ ہفتہ جدہ میں ترکی اور یمن کے رہنماؤں سمیت غیر ملکی وفود سے ملاقاتیں کرتے گزارا ہے۔ اس دوران ترکی کے صدر رجب طیب اردوان اور افریقی ممالک کے صدور نے بھی عمرہ کی سعادت حاصل کی ۔
