واشنگٹن (انٹرنیشنل ڈیسک) بہتر مستقبل کی تلاش میں غیرقانونی طریقے سے امریکا جانے والے تارکین وطن کی کشتی ڈوب گئی،جس کے نتیجے میں 11افراد ہلاک ہوگئے۔ خبررساں اداروں کے مطابق 31 مہاجرین کو کوسٹ گارڈ بچانے میں کامیاب ہوگئے۔ امریکی حکام کا کہنا ہے کہ جن افراد کو بچایا گیا ہے ان میں اکثر کا تعلق ہیٹی اور ڈومینکین ریپبلک سے ہے ، جب کہ ہلاک شدگان کی شناخت نہیں ہوسکی۔ بچائے گئے افراد کو امریکی جزیرے پورٹو ریکو منتقل کردیا گیا ہے۔
