اسلام آباد:پاکستان تحریک انصاف کے رہنما فواد چودھری نے شیریں مزاری کی گرفتاری کی مذمت کرتے ہوئے کہا ہے کہ حکومت کی طرف سے اگر اعلان جنگ ہے تو ہماری طرف سے بھی اعلان جنگ ہے۔میڈیا سے گفتگو کرتے ہوئے فواد چوہدری نے کہا کہ
شیریں مزاری پر تشدد کیا گیا، کپڑے پھاڑے گئے اور بہیمانے طریقے سے گاڑی میں لے جایا گیا۔فواد چوہدری نے کہا کہ اس کو گرفتاری نہیں اغوا کہا جائے گا، ہمیں نہیں پتہ کہ وہ اس وقت کہاں ہیں۔انہوں نے کہا کہ اب اگر لڑائی ہونی ہے تو لڑائی ہی ہونی ہے۔ دریں اثناءایک ٹویٹ میں فواد چوہدری نے لکھا کہ شیریں مزاری کو ان کو ان کی رہائشگاہ ای سیون کے قریب گرفتار کیا گیا،
شیریں مزاری کو لاہور منتقل کیا جا رہا ہے، ان کو گھر کے باہر سے گرفتار کیا گیا، سماجی رابطے کی ویب سائٹ پر ٹویٹ کرتے ہوئے فواد چوہدری نے کہا کہ دوسرے تھانے کی حدود میں گرفتاری پر انٹری اور ایگزٹ ہوتی ہے، تھانہ کوہسار میں نہ کوئی انٹری ہے نہ کوئی ایگزٹ ہے۔
