فلسطینی طالبہ کا یونیورسٹی کی تقریب تقسیم اسناد میں انٹونی بلنکن سے مصافحہ کرنے سے انکار

واشنگٹن ڈی سی: امریکا کی ایک یونیورسٹی کی تقریب تقسیم اسناد میں فلسطینی طلبا نے اپنے ملک کا پرچم لہرا کر احتجاج کیا جب کہ ایک طالبہ نے وزیر خارجہ انٹونی بلنکن سے مصافحہ کرنے سے انکار کردیا۔

عالمی خبر رساں ادارے کے مطابق واشنگٹن ڈی سی کی جارج ٹاؤن یونیورسٹی میں گریجویشن تقریب منعقد کی گئی۔ تقریب کے مہمان خصوصی وزیر خارجہ انٹونی بلنکن تھے جو اسٹیج پر کامیاب طلبا سے ہاتھ ملا رہے تھے اور مبارک باد دے رہے تھے۔

اسناد لینے والوں میں فلسطینی طلبا بھی شامل تھے جنھوں نے اپنے ملک میں اسرائیلی مظالم کے خلاف کے احتجاج کے لیے انوکھا طریقہ اپنایا۔ تقریباً 6 فلسطینی طلبا اپنا قومی پرچم ساتھ لائے تھے اور اسے ڈگری لیتے ہوئے لہرایا۔

The flag of Palestine accompanies a Palestinian student during her graduation ceremony at #Georgetown University in the presence of US Secretary of State Blinken
🇵🇸#FreePalestine pic.twitter.com/gvN0vHcuwv

— Uncle 𓂆 🇵🇸 (@bani_basel) May 22, 2022

اسی طرح ایک فلسطینی طلبہ نوران الحمدان اپنا قومی پرچم لہراتی اسٹیج پر آئیں اور ڈگری وصول کی، اسٹیج پر موجود افراد سے تو مصافحہ کیا لیکن جب امریکی وزیر خارجہ سے ملنے کی باری آئی تو طالبہ نے ہاتھ نہ ملایا اور کچھ سناتی ہوئی آگے بڑھ گئیں۔

یونیورسٹی طلبا نے اسرائیلی فوج کی فائرنگ سے ہلاک ہونے والی خاتون صحافی شیریں عاقلہ کی تصاویر بھی اُٹھا رکھی تھیں۔

منبع: ایکسپریس نیوز