کراچی(اسٹاف رپورٹر)قومی کرکٹ ٹیم کے فاسٹ بولر محمد حسنین نے بولنگ ایکشن کا آفیشل ٹیسٹ دے دیا ہے۔ محمد حسنین کا لاہور میں آئی سی سی کی منظورشدہ بائیو مکینک لیب میں ٹیسٹمکمل ہوا تاہم پی سی بی ٹیسٹ کی رپورٹ آئی سی سی کو بھیجے گا۔ذرائع کا کہنا ہے کہ بولنگ ایکشن پر آئی سی سی کا فیصلہ جون کے پہلے ہفتے میں متوقع ہے۔محمد حسنین کے بولنگ ایکشن پر نیشنل ہائی پرفارمنس سنٹر کے کوچز نے کام کیا، ایکشن ری ماڈل ہونے کے بعد کم از کم 2مرتبہ محمد حسنین کا ایکشن قانونی آیا۔ذرائع کے مطابق حوصلہ افزا رپورٹ کے بعد محمد حسنین کا باضابطہ بولنگ ایکشن ٹیسٹ کرانے کا فیصلہ کیا۔
