پرلینڈ(جسارت نیوز)آئی سی سی مینز کرکٹ ورلڈ کپ لیگ 2 میں امریکا نے اسکاٹ لینڈ کو 104 رنز سے شکست دے دی۔چوائس موسا اسٹیڈیم، پرلینڈ میں کھیلے گئے لیگ کے 79 میچ میں امریکا نے پہلے بیٹنگ کرتے ہوئے مقررہ 50 اوورز میں 5 وکٹوں کے نقصان پر 310 رنز بنائے، سوشانت موڈانی نے 77 اور گجانند سنگھ نے 60 رنز کی عمدہ اننگز کھیلی۔ اسکاٹ لینڈ کی جانب سے ایڈرین نائل نے2 کھلاڑیوں کو آئوٹ کیا، اسکاٹ لینڈ کی ٹیم مطلوبہ ہدف حاصل کرنے میں ناکام رہی اور پوری ٹیم 46.1 اوورز میں 206 رنز بناکر آئوٹ ہو گئی۔جارج مونسے 54 رنز کے ساتھ ٹاپ ا سکورر رہے۔ امریکا کی طرف سے سوربھ نیتراولکر نے تباہ کن بولنگ کی اور 5 کھلاڑیوں کو آئوٹ کیا، انہیں مرد میدان قرار دیا گیا۔
