سینئر اینکر پرسن عمران ریاض کو اسلام آباد انٹر چینج سے گرفتار کر لیا گیا ہے۔ سینئر صحافیوں اور پی ٹی آئی سمیت دیگر سیاسی رہنمائوں نے اس گرفتاری کی شدید مذمت کی ہے۔
سینئر اینکر پرسن عمران ریاض کو اسلام آباد انٹر چینج سے گرفتار کر لیا گیا ہے درجنوں کے قریب موبائل اور پولیس موجود تھے پولیس ان کو اٹک کی طرف لے جا رہے ہیں میں بھی ان کے ساتھ ہوں ہم موبائل گاڑیوں کا تعاقب کر رہے ہیں
— Sherin Zada (@sherinzada) July 5, 2022
سینئر صحافی شیریں زادہ نے اپنی ٹویٹ میں بتایا کہ عمران ریاض خان کی گرفتاری کے وقت درجنوں کے قریب موبائل اور پولیس موجود تھی۔ پولیس ان کو اٹک کی طرف لے جا رہی ہے۔ میں بھی ان کے ساتھ ہوں۔ ہم موبائل گاڑیوں کا تعاقب کر رہے ہیں۔
معروف یوٹیوبر صحافی عمران ریاض کو حکومت و ریاست مخالف تقاریر اور یوٹیوب چینل پر پراپیگنڈا کرنے پر اسلام آباد ٹول پلازہ سے گرفتار کرلیا گیا pic.twitter.com/HjXkIOlmKv
— Expose Propaganda (@EPropoganda1) July 5, 2022
دوسری جانب پولیس نے بھی عمران ریاض خان کی گرفتاری کی تصدیق کرتے ہوئے کہا ہے کہ ان کیخلاف پنجاب کی حدود اٹک میں مقدمہ درج ہے۔
تحریک انصاف کے رہنما اسد عمر نے اپنے ٹویٹ میں کہا کہ عمران ریاض خان کی گرفتاری قابلِ مذمت ہے. رائے کے اظہار کا جواب دلیل سے دیا جاتا ہے گرفتاری سے نہیں.
عمران ریاض خان کی گرفتاری قابلِ مذمت ہے. رائے کے اظہار کا جواب دلیل سے دیا جاتا ہے گرفتاری سے نہیں.
— Asad Umar (@Asad_Umar) July 5, 2022
فرخ حبیب نے بھی اس واقعے کی مذمت کرتے ہوئے لکھا کہ عمران ریاض کی گرفتاری کی مذمت کرتے ہے۔ اختلاف رائے کو ایسے طاقت کے زور پر دبایا نہیں جاسکتا۔ جو آپکو یہ مشورے دے رہا وہ آپ کا دوست نہیں دشمن ہے۔
فواد چودھری کا کہنا تھا کہ آج ہی عمران خان نے پاکستان میں صحافیوں پر پابندیوں کے حوالے سے تفصیلی بات کی تھی اور کہا تھا کہ ملک میں فاشسٹ حکومت اپنے خلاف تنقیدی آوازوں کو دبانے کیلئے تیسرے درجے کے ہتھکنڈے استعمال کرے گی، عمران ریاض گرفتاری کی شدید مذمت کرتے ہیں امید ہے عدالتیں کھلیں گی اور انصاف ہوگا۔
