نارروال: نجی ریسٹورنٹ میں وفاقی وزیر برائے منصوبہ بندی احسن اقبال کے سامنے نعرے لگانے والی فیملی نے اپنے کیے پر معذرت کرلی۔
وفاقی وزیر منصوبہ بندی نے سماجی رابطے کی سائٹ ٹویٹر پر بتایا کہ بھیرہ واقعہ میں ملوث فیملی نے نارروال میں گھر آکر معذرت کرلی اور اپنے کیے پر پچھتاوے کے ساتھ شرمندگی کا اظہار بھی کیا۔
مزید پڑھیں: احسن اقبال جیسے مزید حملے ہوئے تو لیگی کارکن جواب دیں گے، وفاقی وزیر توانائی
انہوں نے لکھا کہ میں پہلے ہی ان کیخلاف قانونی چارہ جوئی نہ کرنے کا اعلان کر چکا تھا۔
بھیرہ واقعہ میں ملوث فیملی نے نارووال آ کر ملاقات میں اپنے عمل پر معذرت کی،پچھتاوے اور شرمندگی کا اظہار کیا۔میں پہلے ہی ان کیخلاف قانونی چارہ جوئی نہ کرنے کا اعلان کر چکا تھا۔ہم سب پاکستانی ہیں ایک دوسرے سے اختلاف کے حق کو نفرت میں تبدیل نہیں کرنا اور باہمی احترام قائم رکھنا ہے۔ pic.twitter.com/Ck1z4YNqxs
— Ahsan Iqbal (@betterpakistan) July 10, 2022
وفاقی وزیر کا کہنا تھا کہ ہم سب پاکستانی ہیں، ہمیں اختلاف کے حق کو نفرت میں تبدیل نہیں کرنا چاہیے اور ہمیں باہمی احترام کا رشتہ بھی قائم رکھنا ہے۔
یہ بھی پڑھیں: احسن اقبال کو دیکھ کر لوگوں نے چور چور کے نعرے لگادیے
واضح رہے کہ چند روز قبل نجی ریسٹورنٹ میں احسن اقبال کو دیکھ کر خواتین نے چور چور کے نعرے لگائے تھے جس پر انہوں نے بڑے تحمل کے ساتھ وہاں موجود لوگوں کا سامنا کیا اور انہیں سمجھانے کی کوشش کرتے رہے تھے۔
