کمپالا: مشرقی افریقی ملک یوگنڈا میں کئی ماہ سے جاری خشک سالی کے باعث فاقہ کشی سے 46افراد ہلاک ہو گئے۔
غیر ملکی میڈیا نے صوبہ کراموجا کے رکن اسمبلی فاتح نکوت کے بیان کے حوالے سے بتایا کہ علاقے میں مہینوں سے جاری خشک سالی کی وجہ سے لوگ زندہ رہنے کےلئے جڑی بوٹیاں کھانے پر مجبور ہیں۔
انہوں نے بتایا کہ علاقے کے کئی افراد بھوک سے اپنی جانیں گنوا چکے ہیں،قحط کی وجہ سے کراموجا کاذیلی علاقہ بری طرح متاثر ہے یہاں پراب تک 46افراد بھوک سے مر چکے ہیں جبکہ 2,181گھرانے موت کے منہ میں جانے کا خدشہ ہے۔
نکوت نے کہا کہ حکام نے سب سے زیادہ متاثرہ گھرانوں کےلئے کھانا خریدنے کےلئے اپنی تنخواہیں بھی استعمال کیں۔
