صومالیہ کے دارالحکومت موغادیشومیں جوبا ائیر لائن کا طیارہ لینڈنگ کے دوران اُلٹ کر زمین سے جا ٹکرایا۔
اطلاع کے مطابق طیارہ بائیودا سے دارالحکومت موغادیشو پہنچا۔ 30 سے زائد مسافروں پر مشتمل طیارہ لینڈنگ کے دوران اُلٹ کر زمین سے ٹکرا گیا۔ جس کے بعد طیارے میں آگ لگ گئی۔
سوشل میڈیا سے شئیر کئے گئے مناظر میں طیارے سے سیاہ دھواں اٹھتا دکھائی دے رہا ہے۔
ائیر پورٹ حکام کے مطابق مسافروں اور عملے کو بچا لیا گیا ہے۔
فائر بریگیڈ ٹیمیں آگ بجھانے میں مصروف ہیں۔
