اسلام آ باد : پی ڈی ایم کے سربراہ مولانا فضل الرحمان نے دو روزہ اجلاس طلب کر لیا ہے جو منگل سے اسلام آباد میں شروع ہوگا۔
اجلاس میں پی ڈی ایم کی جماعتوں سمیت حکمران اتحاد کی جماعتیں شرکت کریں گی، اجلاس میں موجودہ ملکی سیاسی و معاشی صورتحال پر غور ہوگا۔
اجلاس میں قبل از وقت انتخابات اور دیگر معاملات زیر غور آئیں گے، آرٹیکل 63 کی تشریح کے حوالے سے صدارتی ریفرنس بارے مشاورت ہوگی، سپریم کورٹ کے اختیارات کے حوالے سے تجاویز پر تبادلہ خیال ہوگا۔
اجلاس میں مسلم لیگ ن کے قائد نواز شریف ویڈیو لنک کے ذریعے شریک ہوں گے۔
