مسلم لیگ ن کی نائب صدر مریم نواز شریف نے کہا ہے کہ آج جن حالات کا ARY کو سامنا ہے وہ ان کے اپنے اعمال کی وجہ سے ہے۔ جھوٹ، بہتان اور لوگوں کی عزتیں اچھالنا ہمیشہ نہیں چل سکتا۔
سماجی رابطوں کی ویب سائٹ ٹویٹر پر جاری بیان میں مریم نواز شریف نے لکھا کہ صحافت کی آڑ میں مال بنانا اور خبروں کے نام پر ملک میں انتشار، فتنہ پھیلانا غنڈہ گردی تو ہو سکتی ہے صحافت نہیں۔ اسی لئے آج کوئی جیّد صحافی ان کا ساتھ دینے سے قاصر ہے۔
آج جن حالات کا ARY کو سامنا ہے وہ انکے اپنے اعمال کی وجہ سے ہے۔جھوٹ،بہتان اورلوگوں کی عزتیں اچھالنا ہمیشہ نہیں چل سکتا۔صحافت کی آڑ میں مال بنانا اور خبروں کے نام پر ملک میں انتشار،فتنہ پھیلانا غنڈہ گردی تو ہو سکتی ہے صحافت نہیں۔اسی لیے آج کوئی جیّد صحافی انکا ساتھ دینے سے قاصر ہے
— Maryam Nawaz Sharif (@MaryamNSharif) August 10, 2022
دوسری جانب ARY کے سربراہ سلمان اقبال نے کہا ہے کہ ہم صحافی ہیں۔ یاد رکھیں آج ہم زیر عتاب ہیں تو کل دوسرے چینلز بھی ہو سکتے ہیں۔ اگر ہم اس پر کھڑے نہیں ہوئے تو ہمیں ہمیشہ کے لئے خاموش ہو جانا چاہیے۔ ہم نے سب کو بات کرنے کا پلیٹ فارم دیا ہے۔ میں عدلیہ اور افواج پاکستان سے ایکشن لینے کی درخواست کرتا ہوں۔
اے آر وائے کے سربراہ کے اس ٹویٹ پر ردعمل دیتے ہوئے عمار مسعود نے لکھا کہ جب جیو پر پابندی لگی اس وقت آزادی صحافت اور آزاد میڈیا کے اصول کہاں تھے؟ اس وقت تو آپ کو بھنگڑے ڈالنے سے فرصت نہیں تھی۔
جب جیو پر پابندی لگی اس وقت آذادی صحافت اور آذاد میڈیا کے اصول کہاں تھے اس وقت تو آپ کو بھنگڑے ڈالنے سے فرصت نہیں تھی https://t.co/ZMMR0RjhbI
— Ammar Masood (@ammarmasood3) August 10, 2022
غریدہ فاروقی کا کہنا تھا کہ ARY نے معافی تو مانگ لی ہے لیکن اسے پاک فوج مخالف مہم اور پاکستان مخالف سیاسی ایجنڈے کو آگے بڑھانے کا حساب ضرور دینا پڑیگا۔
