کراچی: ڈالر ایک مرتبہ پھر تگڑا ہونے لگا ہے اور اوپن مارکیٹ میں ایک دن میں اس کی قدر میں 4 روپے کا اضافہ ہوا ہے۔
بدھ کو اس کی قدر مزید 4 روپے بڑھ کر 227 روپے کی سطح پر آگئی ہے۔ درآمدکنندگان کا کہنا ہے کہ ڈالر مافیا ایک بار پھر سرگرم ہوگیا ہے،اس صورتحال میں حکومت اور اسٹیٹ بینک نوٹس لے۔
دوسری جانب فاریکس ڈیلرز کا کہنا ہے کہ کریڈٹ کارڈز کی ادائیگیوں کیلئے اوپن مارکیٹ میں ڈالرکی طلب بڑھی ہے، بینک اور درآمدکنندگان اوپن مارکیٹ سے ڈالر خرید رہے ہیں، اس کے علاوہ لگڑری اشیا کی درآمد پر پابندی ختم کرنے سے بھی روپیہ دوبارہ دباؤ میں آیا ہے۔
