پاکستان تحریک انصاف کے چیئرمین عمران خان نے 17 اکتوبر 2022 کو اسلام آباد میں پریس کانفرنس کرتے ہوئے اسلام آباد میں بیٹھے ایک شخص پر شدید تنقید کی اور ان پر سنگین الزامات لگائے۔ عمران خان نے اس شخص کا نام لیے بغیر کہا کہ اسلام آباد میں بیٹھا ہوا یہ شخص ملک کو بدنام کر رہا ہے۔ اس ملک کے آئین کو توڑ رہا ہے۔ اداروں کو بدنام کر رہا ہے اور اداروں کے خلاف نفرتیں پیدا کر رہا ہے۔
عمران خان کا کہنا تھا کہ جب سے اسلام آباد میں اس کی پوسٹنگ ہوِئی ہے، اس نے لوگوں کو اٹھانا شروع کر دیا ہے اور تشدد کے واقعات میں اضافہ ہوا ہے۔ ان کا مزید کہنا تھا کہ اس شخص نے اپنے کاموں سے آرمی چیف کو خوش کرنے کی کوشش کی ہے مگر مجھے یقین ہے کہ آرمی چیف کو اس کا علم بھی نہیں ہو گا۔
