اسلام آباد:وزیراعظم شہبازشریف نے کہا کہ کچھ طاقت کے بھوکے سیاست دان نوجوانوں کو اپنے متعصبانہ ایجنڈے کا شکار بناتے ہیں، ایسا کرنا بدقسمتی کی بات ہے۔
وزیراعظم نے سماجی رابطے کی ویب سائٹ ٹوئٹر پر اپنے ٹوئٹ میں لکھا کہ قومیں اپنی طاقت ان نوجوانوں سے حاصل کرتی ہیں جو اپنے سفر کو طاقت دیتے ہیں اور اپنے مستقبل کو متحرک کرتے ہیں، نوجوانوں کی ترقی میں سرمایہ کاری کی ضرورت ہے۔
شہبازشریف نے کہا کہ پنجاب میں ہم نے نوجوانوں کیلئے مختلف اقدامات شروع کیے جن کا مقصد انہیں بااختیار بنانا ہے، ان اقدامات کا مقصد نوجوانوں کو کاروباری مواقعوں کیلئے سہولت فراہم کرنا ہے۔
انہوں نے مزید کہا کہ اقتدار کے بھوکے چند سیاستدان نوجوانوں کو متعصبانہ ایجنڈے کے لیے استعمال کرنا چاہتے ہیں۔
