لاہور:وفاقی وزیر ریلوے خواجہ سعد رفیق کے زیر صدارت اجلاس میں ایم ایل ون منصوبے پر اب تک ہونے والی پیشرفت کا جائزہ لیا گیا۔
وزیر ریلوے نے افسروں کو ہدایت کی کہ ایم ایل ون منصوبے کے انتظامی امور کیلئے نجی شعبہ سے ماہر افراد کی تعیناتی جلد مکمل کی جائے، اجلاس میں گرین لائن ٹرین کے رواں ماہ اجرا سے متعلق تمام انتظامی پہلوں پر بھی گفتگو کی گئی۔
خواجہ سعد رفیق نے افسروں کو ہدایت کی کہ چین سے درآمد کی گئی ابتدائی 70 نئی فریٹ ویگنوں کے استعمال سے متعلق حکمت عملی مرتب کی جائے، اجلاس میں ٹرین برانڈنگ کے حوالے سے پیش رفت کا جائزہ لیا گیا۔
