افغان وزیر خارجہ مولوی امیر خان متقی نے چین کے نئے وزیر خارجہ چین گانگ سے ٹیلی فون پر گفتگو کی، جس میں دونوں ہم منصب عہدے داروں نے افغانستان اور چین کے درمیان دوطرفہ سفارتی تعلقات، مشترکہ تجارت اور افغانستان میں چین کی سرمایہ کاری، امن و امان اور استحکام پر تبادلہ خیال کیا۔
شروع میں وزیر خارجہ نے اپنے چینی ہم منصب کو نئے مشن پر تعیناتی کی مبارکباد دی اور توقع ظاہر کی کہ ان کے دور میں افغانستان اور چین کے درمیان دوطرفہ تعلقات مزید فروغ پائیں گے۔
امیر خان متقی نے کہا کہ چین کو بین الاقوامی سیاست اور افغان حکومت کی خارجہ پالیسی میں اہم مقام حاصل ہے، افغانستان چین پر یقین رکھتا ہے، ایمو آئل زون میں دونوں ممالک کے درمیان حالیہ معاہدہ ایک اہم پیش رفت ہے اور اس سے دونوں ممالک کے تجارتی تعلقات میں بہت مدد مل سکتی ہے۔
مولوی امیر خان متقی نے اپنے چینی ہم منصب کو یقین دلایا کہ افغان حکومت خطے کی سلامتی اور استحکام کے لیے کام کر رہی ہے اور کسی گروہ یا فرد کو افغان سرزمین دوسرے ممالک کے خلاف استعمال کرنے کی اجازت نہیں دی جائے گی۔
افغانستان میں چینی باشندوں اور کمپنیوں کے تحفظ پر زور دینے کے علاوہ، انہوں نے چین کے نئے وزیر خارجہ کو افغانستان کے زراعت اور لائیو اسٹاک کے شعبے میں سرمایہ کاری کرنے اور افغان کسانوں کی مدد کرنے کی ترغیب دی۔
ساتھ ہی چین کی وزارت خارجہ کے نئے وزیر نے اپنے افغان ہم منصب کا شکریہ ادا کرتے ہوئے چین نے افغانستان اور چین کے درمیان تاریخی تعلقات کے فروغ کے لیے ہمیشہ کوشش کی ہے اور افغانستان کی آزادی، قومی خودمختاری اور مذہبی و ثقافتی اقدار کا احترام کرتا ہے۔
گانگ نے مزید کہا کہ چین افغان حکومت کے ساتھ اپنے اقتصادی اور ترقیاتی تعلقات جاری رکھے گا، دونوں وزرائے خارجہ کے درمیان مناسب وقت پر ملاقات ہوگی۔
انہوں نے زرعی شعبے کو افغانستان اور چین کے درمیان تعاون کا ایک اچھا شعبہ بھی قرار دیا۔
یاد ر ہے ٹیلی فونک گفتگو کے اختتام پر دونوں فریق نے افغانستان اور چین کے درمیان قریبی اور مستحکم تعاون پر زور دیا۔
