کوئٹہ: امیرجماعت اسلامی بلوچستان مولانا عبدالحق ہاشمی نے کہاہے کہ مولانا ہدایت الرحمن بلو چ وحق دوتحریک پر مظالم مقدمات تشدد اور گرفتاریوں کے خلاف جماعت اسلامی جدوجہد جاری رکھے گی۔
مولانا عبدالحق ہاشمی نے کہاکہ بلوچستان کے عوام ،وکلاء ،حقیقی عوامی سیاسی تنظیمیں مولانا ہدایت الرحمان بلوچ وحق دوتحریک کیساتھ ہیں، حق دوتحریک کو جتنا دبائیں گے وہ اتناہی ابھرے گی، مولانا ہدایت الرحمن بلوچ ودیگر قیادت کو فوری رہا مقدمات ختم اور حق دو گوادر کے تسلیم شدہ مسائل فوری حل کریں۔
رہنما جماعت اسلامی پاکستان کا کہنا تھا کہ پولیس گردی مقدمات وگرفتاریوں سے تحریک رکے گی نہیں، جماعت اسلامی مولانا ہدایت الرحمان بلوچ وحق دوتحریک کے ساتھ ہے ۔انشاء اللہ کامیابی مظلوم عوام کی ہوگی۔
