فن لینڈ کی وزیر اعظم سنا مارین اور سویڈن کے وزیر اعظم الف کرسٹرسن نے کہا کہ انہیں یقین ہے کہ نیٹو میں ان کے ممالک کی رکنیت کی توثیق کردی جائے گی۔
سنا مارین اور الف کرسٹرسن نے سویڈن کے دارالحکومت سٹاک ہوم میں مشترکہ پریس کانفرنس ک منعقد کی۔
مارین اور کرسٹرسن نے کہا کہ ان کے ممالک کی سلامتی ایک دوسرے پر منحصر ہے، اور کہا کہ وہ نیٹو کی رکنیت کی درخواست کے عمل کو ایک ساتھ شروع کیا تھا اور ایک ساتھ ہی مکمل کرنا چاہتے ہیں۔
فن لینڈ کے وزیر اعظم مارین نے کہا کہ انہوں نے سویڈن کے ساتھ نیٹو کی رکنیت کے لیے درخواست دی ہے اور وہ اس عمل کو مل کر مکمل کرنا چاہتے ہیں۔
انہوں نے کہا کہ ہم مل کر کام کرتے ہیں۔ ہم اس معاملے پر ہر روز قریبی رابطے میں ہیں۔ یقیناً، ہم چاہتے ہیں کہ ترکی اور ہنگری دونوں ہماری درخواست کو جلد از جلد منظور کریں۔
مارین نے کہا کہ روس یوکرین جنگ کی وجہ سے یورپ میں سیکورٹی آرڈر مستقل طور پر تبدیل ہو گیا ہے اور اس لیے وہ نیٹو میں شامل ہونا چاہتے ہیں۔
انہوں نے کہا کہ مذہبی معاملات کا احترام فن لینڈ کے قوانین میں شامل ہے، مارین نے اگر سویڈن کی رکنیت میں زیادہ وقت لگے تو کیا ہوگا سے متعلق سوال کا جواب دیتے ہوئے کہا کہ یہ کلاس روم میں شرارتی بچے کے طور پر صورتِ حال پیش کرنا نہایت ہی عجیب بات ہے۔
سویڈن بھی نیٹو کا رکن بننے کے لیے تقاضے پورے کرتا ہے۔ مجھے یہ ماحول پسند نہیں ہے جس میں سویڈن کو ‘ٹربل میکر’ کے طور پر پیش کیا جائے۔
سویڈن کے وزیر اعظم کرسٹرسن نے بھی کہا کہ ان کے فن لینڈ کے ساتھ قریبی تعلقات ہیں، اور کہا کہ انہوں نے نیٹو کی رکنیت کا سفر ایک ساتھ شروع کیا اور ساتھ ہی جاری رکھنا چاہتے ہیں۔
کرسٹرسن نے ترکیہ، فن لینڈ اور سویڈن کی طرف سے دستخط کیے گئے سہ فریقی یادداشت کو یاد کرتے ہوئے کہا، "آج صبح کی کابینہ کے اجلاس میں، ہم نے حکومت کے انسداد دہشت گردی بل کو باقاعدہ شکل دی۔ بل مارچ میں پارلیمنٹ کو بھیجا جائے گا اور انسداد دہشت گردی کے نئے قوانین آئیں گے جو یکم جون سے نافذ العمل ہوں گے۔ یہ دہشت گردی کے خلاف جنگ کے لیے سویڈن کے طویل مدتی عزم کا سنگ بنیاد کی حیثیت رکھتے ہیں۔
کرسٹرسن نے ترکیہ کے ساتھ حالیہ کشیدگی اور سویڈن میں اشتعال انگیزی کا ذکر کرتے ہوئے کہا کہ ہم ان کارروائیوں کی وجہ سے ہونے والی مایوسی کو سمجھتے ہیں اور اس کا اشتراک کرتے ہیں۔ تمام سویڈن کے لیے میرا پیغام ہے کہ آئیے صورتحال کو پرسکون کریں اور بڑی تصویر پر توجہ مرکوز کریں اور نیٹو کے مکمل رکن کے طور پر سویڈن کی قومی سلامتی کو بہتر بنانے کے لیے حقائق کو تسلیم کریں۔
کرسٹرسن نے کہا کہ سویڈن سہہ فریقی میمورنڈم کے دائرہ کار میں اپنا کردار ادا کرے گا۔
