کراچی کے صارفین کی سہولت کے لئے کے الیکٹرک نے 7 سال کی سرمایہ کاری کا پلان نیپرا میں جمع کرادیا ہے،اور نیپرا کے الیکٹرک انویسٹمنٹ پلان پر21 فروری کو سماعت کرے گا۔
مجوزہ پلان کے مطابق کے الیکٹرک اگلے 7 سال میں 484 ارب روپے کی انویسٹمنٹ کرے گا، جس میں سے ترسیلی منصوبوں پر 280 ارب91 کروڑ 50 لاکھ روپے کی انویسٹمنٹ ہوگی۔
پلان میں بتایا گیا ہے کہ ڈسٹری بیوشن منصوبوں پر 184 ارب 65 کروڑ روپے لگائے جائیں گے، اور دیگرمنصوبوں پر18 ارب51 کروڑ 40 لاکھ انویسٹمنٹ کئے جائیں گے۔
کے الیکٹرک کے مطابق یہ سرمایہ کاری 2023 سے2030 کے دوران کی جائے گی۔
