اسلام آباد:وفاقی وزیر اطلاعات مریم اورنگزیب نے کہا ہے کہ ایک دن گالی، اگلے دن معافی مانگنا عمران خان کی سیاست ہے، چاہے وہ عدالت ہو، چاہے وہ امریکا ہو، چاہے وہ ادارے ہوں۔
مریم اورنگزیب نے عمران خان کے خطاب پر ردعمل دیتے ہوئے کہا کہ عمران خان کو یقین ہے کہ ان کے حامی ذہنی معذور ہیں، ان کا اقتدار میں آنا ہی رول آف لا کی خلاف ورزی تھا، عمران خان کا دور حکومت رول آف لا نہیں ، رول آف جنگل تھا۔
انہوں نے کہا عمران خان جیسے فارن ایجنٹ، چور، جھوٹے، بہروپئے اور منی لانڈرر سے آزادی حاصل کرکے ملک آزاد ہوتے ہیں، کپتان ایسی باتیں کر کے اپنے ووٹرز کی توہین کرتے ہیں، کیا تم نے رول آف لا کا سہارا لے کر اسپیکر، ڈپٹی اسپیکر، گورنر اور صدر سے آئین شکنی کرائی تھی؟
