سکھر: مسلم لیگ ن کی سینئر نائب صدر اور چیف آرگنائزر مریم نواز کو جلسے میں اداروں سے متعلق تضحیک آمیز تقریر پر نوٹس جاری کردیا گیا ہے۔
ایڈیشنل ڈسٹرکٹ اینڈ سیشن جج سکھر نے مریم نواز کے خلاف اندراج مقدمہ کی درخواست پر سماعت کی، جس میں مریم نواز کو 10 مارچ کوطلب کرلیا۔
عدالت نے ایس ایچ او ماڈل ٹاؤن، ڈائریکٹر و ڈپٹی ڈائریکٹرسائبرکرائم اور ایس ایس پی سکھرکو بھی طلب کرلیا۔ پی ٹی آئی سکھر کے ضلعی صدر ظہیربابر نے مریم نوازپرمقدمہ درج کرانےکی درخواست دائر کی تھی۔
درخواست میں مؤقف اختیار کیا گیا ہے کہ مریم نواز نے جلسے میں تقریر میں اداروں کے خلاف بات کی، انہوں نے عوام کو اداروں کےخلاف اوربغاوت پراکسانےکی کوشش کی۔
