اسلام آباد: پاکستان بار کونسل نے کہا ہے کہ سپریم کورٹ اختیارات کے استعمال سے متعلق قومی اسمبلی بل کو سراہتے ہیں، آرٹیکل 184(3) کے تحت سو موٹو دائرہ اختیار کے حوالے سے متاثرہ فریق کو اپیل کا حق ملنا چاہے۔
پاکستان بار کونسل کے اعلامیہ مطابق پاکستان بار کونسل بارہا مطالبہ کرتی رہی ہے سوموٹو دائرہ اختیار کے حوالے سے معیار مرتب کیے جائیں۔
اعلامیے میں کہا گیا ہے کہ موجودہ ترمیم کے ذریعے آرٹیکل 184(3) کے تحت مقدمات میں اپیل کا حق دستیاب ہو گا، مجوزہ مسودہ 19 مئی 2022 کو پاکستان بار کونسل کے وفد نے وزیر اعظم کے حوالے کیا تھا، سپریم کورٹ کے اختیارات پر اصلاحات وکلا کا دیرینہ مطالبہ اور وقت کی ضرورت تھی۔
