اسلام آ باد :وزیراعظم کے مشیر قمر زمان کائرہ نے کہا ہے کہ اس وقت ملک میں ہیجانی کیفیت پیدا کی جارہی ہے ، آئین اور قانون کے مطابق مسائل کا حل نکالا جائے۔
قمر زمان کائرہ نے کہا کہ ہر جانب سے ایک ہی مطالبہ ہے کہ عدالت عظمی اس معاملے میں فل کورٹ بنائے، یہ عدالتی فیصلہ اپنے اثرات چھوڑے گا ، ماضی میں بھی عدالتوں کے پاس سیاسی اور دیگر مقدمات پہنچے تھے ۔
انہوں نے کہاکہ آج پاکستان سیاسی ، معاشی اور دیگر چیلنجز کا سامنا کررہا ہے اس میں عدالتی چیلنج کا بھی سامنا ہے، اس وقت ملک میں ایک ہیجان پیدا کر دیا ہے، اس میں صرف جذبات کو سنا جاتا ہے ،عقل پیچھے رہ جاتی ہے ۔
