ایران نے خلیج فارس کے پانیوں میں 270 ہزار لیٹر سے زائد اسمگل شدہ ایندھن لے جانے والے 4 بحری جہازوں کو قبضے میں لینے کا اعلان کیا ہے۔
میزان نیوز ایجنسی کے مطابق ایرانی عدلیہ سے وابستہ، ہرمزگان کی عدلیہ کے سربراہ مجتبی قاہرامانی نے ضبط کیے گئے جہازوں کے حوالے سے بیان دیا۔
قاہرامانی نے کہا، "خلیج فارس میں، اسمگل شدہ ایندھن سے لدے 4 بحری جہازوں کا تعین ہوا جنہیں ہم نے اپنی سمندری حدود میں سفر کے دوران پکڑ لیا۔ ان بحری جہازوں پر 270 ہزار لیٹر سے زیادہ اسمگل شدہ ڈیزل موجود ہے۔”
ہرمزگان کی عدلیہ کے سربراہ کا کہنا ہے "اسمگلروں نے بڑی مہارت سے بحری جہازوں کے سوراخوں اور دیواروں پر ٹینک لگائے اور ان ٹینکوں میں اسمگل شدہ ایندھن بھرا۔”
