لاہور: امیر جماعت اسلامی سراج الحق نے کہا ہے موجودہ حکومت نے اپنی مختصر مدت میں بدترین گورننس کا ریکارڈ توڑدیا ہے، پی ڈی ایم اور پیپلز پارٹی نے غریبوں کو بجلی کے جھٹکے دیئے اور ان پر پٹرول بم گرائے۔
سراج الحق کا کہنا تھا کہ اتحادی حکومت کے وزیراعظم اور کابینہ عوام کو تکلیفیں دینے پر معافی مانگیں، حکمرانوں کو بس اقتدار چاہیے، انہوں نے 16ماہ میں قرضے لیے، اپنے کیسز معاف کرائے۔یہ بات انہوں نے اپنے ایک بیان میں کہی۔
امیر جماعت اسلامی کا کہنا تھا کہ حکمران جماعتوں میں امریکی وفاداری اختیار کرنے کا مقابلہ ہے، حکمران ایئرپورٹس، اسٹیل ملز، موٹرویز کے سودے کر رہے ہیں، حکمرانوں کا بس چلے تو پورا ملک بیچ دیں، ہر پاکستانی کا فرض ہے کہ فرسودہ نظام کے خلاف جدوجہد کرے۔
