کراچی:امیر جماعت اسلامی کراچی حافظ نعیم الرحمن نے سعیدآباد 24 نمبر مارکیٹ کا دورہ کیا اور انجمن تاجران سندھ کے وائس پریزیڈنٹ عمران بٹ سے ملاقات کی، کامیاب ہڑتال پر ان کا شکریہ ادا کیا ۔
امیر جماعت اسلامی پاکستان سراج الحق کی اپیل پر پورے ملک میں تاجر برادری اور عوام کے رضاکارانہ طور پر ہڑتال کے موقع پر انہوں نے عوام اور تاجروں سے کہا کہ مافیاوں سے نجات اور مسائل کے حل کے لیے عوام اور تاجروں کو معمولی سی پریشانی کا سامنا کرنا ہوگا۔
ان کا کہنا تھا کہ جماعت اسلامی اور انجمن تاجران پاکستان کی کامیاب ہڑتال اس بات کی نوید ہے کہ حکمرانوں کو اب نوشتہ دیوار پڑھنا ہوگا۔
انہوں نے کہا کہ امیر جماعت اسلامی پاکستان سراج الحق کی اپیل پر آج ڈسٹرکٹ بلدیہ کی تمام مارکیٹس بند ہیں۔
دوسری جانب انجمن تاجران کے وائس پریزیڈنٹ عمران بٹ کا کہنا تھا کہ کے الیکٹرک کی جانب سے بلوں میں اضافے کے خلاف جماعت اسلامی کے ساتھ ہیں۔
