لاہور: برطانیہ پلٹ خاتون کو آن لائن رائیڈ بک کرانا مہنگا پڑ گیا۔
لاہور میں آن لائن ٹیکسی ڈرائیور قیمتی موبائل ایپل 14 پرو میکس لے کر فرار ہوگیا۔ خاتون نےقیمتی موبائل اپنی عزیزہ کوبھجوانےکیلئےآن لائن ٹیکسی رائیڈ بک کرائی۔
متاثرہ شہری کی ٹیکسی ڈرائیورکو موبائل فون پکڑانے کی سی سی ٹی وی فوٹیج سامنے آ گئی۔ ٹیکسی ڈرائیور اپنی گاڑی سے اتر کر موبائل فون پکڑتا نظر آتا ہے۔
خاتون نے الزام لگایا کہ ٹیکسی ڈرائیورنےموبائل فون لیتے ہی رائیڈ کینسل کی اور اپنا موبائل فون بند کر دیا۔
متاثرہ خاتون کی درخواست پر تھانہ سندر پولیس کی جانب سے کارروائی کی جارہی ہے تاہم فی الحال مقدمہ درج نہیں کیا گیا ہے۔
