صدر رجب طیب ایردوان نے کہا ہے کہ ترک دنیا اپنی بہترین تہذیب و تمدن ،مستحکم ریاستی اقدار،مضبوط سماجی ڈھانچے اور نظریات پسند سماجی اداروں کے باعث ترقی کی منازل طے کر رہی ہے۔
ایردوان نے خلیج کنونشن سینٹر استنبول میں دسویں عالمی ترک بزنس کونسل سے خطاب کے دوران یہ بات کہی ۔
انہوں نے کہا کہ ترک دنیا اس وقت ترقی کی منازل طے کرنے میں مصروف ہے، مواصلاتی امکانات کے فروغ پر مبنی اس دور میں مادر وطن اور ڈیاسپورا کے درمیان روابط کو مضبوط کرنا ماضی کے مقابلے میں آج کافی آسان ہے۔
صدر نے کہا کہ ہمارے ازلی دشمن ہماری ترقیوں سے خائف ہیں جن کی سازشیں بھی بے سود ثابت ہو رہی ہیں۔
