انٹرنیشنل کرکٹ کونسل ( آئی سی سی ) ون ڈے ورلڈ کپ کے 42ویں میچ میں افغانستان کی جنوبی افریقا کیخلاف بیٹنگ جاری ہے۔
احمد آباد کے نریندر مودی کرکٹ اسٹیڈیم میں کھیلے جارہے میچ میں افغانستان نے جنوبی افریقا کیخلاف ٹاس جیت کر پہلے بیٹنگ کا فیصلہ کیا۔
اس وقت 7 اورز کا کھیل مکمل ہوچکا ہے اور افغانستان نے بنا کسی نقصان کے 30 رنز بنا لیے ہیں۔
ٹاس کے بعد کی گئی گفتگو میں افغان ٹیم کے کپتان حشمت اللہ شاہدی نے کہا کہ کوشش ہوگی اچھا ٹارگٹ سیٹ کرکے میچ میں کامیابی سمیٹیں۔
اس موقع پر جنوبی افریقی ٹیم کے کپتان ٹمبا باؤما نے کہا کہ لیگ راؤنڈ کے آخری میچ میں کامیابی سیمٹ کر سیمی فائنل میں پراعتماد آغاز کرنا چاہتے ہیں، ٹیم میں دو تبدیلیاں کی گئی ہیں، مارکو جانسن اور تبریز شمسی کو آرام دیا گیا ہے جبکہ جیرالڈ کوئٹزی اور فیہلوکوایو کو ہلئینگ الیون میں موقع دیا گیا ہے۔
ورلڈکپ کے پوائنٹس ٹیبل پر جنوبی افریقا دوسرے جبکہ افغانستان چھٹے نمبر پر موجود ہے۔
