اسلام آباد: وفاقی وزیر مصدق ملک نے کہا ہے کہ مسلم لیگ ن کے قائد نواز شریف اور وزیر اعظم شہباز شریف حکومت بنانے کے حق میں نہیں تھے، اُن کی کوشش تھی کہ تحریک انصاف ( پی ٹی آئی ) حکومت بنائے ، جس کی ہماری طرف سے کئی بار دعوت بھی دی گئی۔
میڈیا سے گفتگو کرتے ہوئے مصدق ملک نے کہا کہ پی ٹی آئی حکومت بنانے کی پوزیشن میں تھی ہی نہیں ،جس کی وجہ سے ہم نے حکومت بنائی،ہماری حکومت اس وقت تک قائم جب تک ہم عوام کی خدمت کررہے ہیں۔
انہوں نے مزیدکہاکہ پی ٹی آئی ملک دشمنی ختم کرکے خیبر پختونخواہ میں عوام کو ریلیف فراہم کرے، ہم صوبائی ترقیاتی کاموں میں معاونت کریں گے، میں یہ نہیں کہتا کہ زبردستی حکومت بنائی ہے، لیکن پی ٹی آئی کو بھی موقع دیا تھا لیکن اُن لوگوں نے حکومت نہیں بنائی۔
