اسلام آباد: قومی اسمبلی سیکرٹریٹ نے عام انتخابات میں پی ٹی آئی کے حمایت یافتہ آزاد امیدواروں کی سنی اتحاد کونسل میں شمولیت تسلیم کرتے ہوئے ویب سائٹ پر 83 ارکان کی فہرست جاری کردی گئی۔
اسپیکر قومی اسمبلی ایاز صادق کی اجازت سے قومی اسمبلی سیکرٹریٹ کی جانب سے سنی اتحاد کونسل کے 83 اراکین کی فہرست ویب سائٹ پر جاری کی گئی ہے، جس کے بعد سنی اتحاد کونسل 83 اراکین کے ساتھ قومی اسمبلی میں دوسری بڑی سیاسی جماعت بن گئی ہے۔
اس سے قبل الیکشن کمیشن آف پاکستان (ای سی پی) نے آزاد اراکین کی سنی اتحاد کونسل میں شمولیت سے متعلق نوٹیفکیشن قومی اسمبلی سیکرٹریٹ کو بھجوادیا تھا۔
