راولپنڈی: بانی پاکستان تحریک انصاف عمران خان نے اپنے سوشل اکاؤنٹ ایکس سے ٹوئٹ کے معاملے پر وفاقی تحقیقاتی ادارے (ایف آئی اے) سائبر کرائم ٹیم سے ملنے سے انکار کردیا۔
ذرائع کے مطابق بانی پی ٹی آئی عمران خان سے تحقیقات کے لیے ایف آئی اے سائبر کرائم ٹیم رات گئے اڈیالہ جیل پہنچی تھی تاہم عمران خان نے ٹیم کے کسی بھی سوال کا جواب دینے سے انکار کیا۔
عمران خان نے ایف آئی اے ٹیم کو جواباً کہا کہ کسی بھی سوال کا جواب وکلا کی موجودگی میں دوں گا اور نہ شامل تفتیش ہوں گا۔
دوسری جانب ایف آئی اے ٹیم نے بانی پی ٹی آئی کا مؤقف تحریری طور پر حاصل کرلیا ہے۔
