کراچی:وزیر داخلہ سندھ ضیالنجارکا کہنا ہے کہ کراچی میں بھتہ خوری اور ٹارگٹ کلنگ اب نہیں ہورہی ہے، ٹارگٹ کلنگ میں ملوث افراد کو گرفتار بھی کیا، عوام وہ دن نہیں بھولی جب 12 مئی کے واقعات ہوتے تھے۔
صوبائی اسمبلی میں متحدہ قومی موومنٹ ( ایم کیو ایم ) کا نام لیے بغیر تنقید کرتے ہوئے وزیر داخلہ سندھ نے کہا کہ اب تو شہر میں بوری بند لاشیں بھی نہیں ملتیں،نہ کسی سے زبردستی پیسے بٹورے جاتےہیں، کر اچی کو یرغمال بنانے والے اب شریف بنے ہوئے ہیں۔
وزیر داخلہ سندھ کے بیان پر ایم کیو ایم کے اراکین نے خوب شور شرابہ کیا اورایوان سے واک آؤٹ کرگئے۔
