ریاض:سعودی عرب میں حج کے دوران ہیٹ اسٹروک کے دو ہزار 764کیسز رپورٹ ہوئے ہیں، سعودی وزارت صحت نے باقاعدہ رپورٹ جاری کردی۔
میڈیا رپورٹس کے مطابق سعودی وزارت صحت کے ترجمان نے کہا ہے کہ حج کے دوران حجاج کرام میں گرمی کی وجہ سے تھکن اور سن اسٹروک کے 2 ہزار 764کیسز رجسٹرڈ ہوئے ہیں تاہم مجموعی طور پر حجاج کی صحت تسلی بخش ہے۔
ترجمان کا کہنا تھا کہ صحت کے حوالے سے ہدایات یا گائیڈ لائنز پر عمل نہ کرنے سے کچھ حجاج گرمی سے تھکن کا شکار ہوئے، حجاج تمام صحت ہدایات پر عمل کریں اور چھتری کا استعمال جاری رکھیں۔
