ریاض: حج کے دوران دو دن میں گرمی کی شدت سے جاں بحق افراد کی تعداد 1081 سے زائد ہو گئی۔
سعودی حکام کے مطابق دوران حج انتقال کر جانے والے نصف سے زیادہ غیر رجسٹرڈ حاجی تھے جو حج ویزے پر نہیں بلکہ سیاحتی یا وزٹ ویزا پر تھے۔
جاں بحق ہونے والوں میں سے 658 کا تعلق مصر، 200 انڈونیشیا، 100 اردن، 68 ہندوستانی، 35 پاکستانی، ایران 31 اور 3 کا تعلق سینیگال ہے۔
سعودی میڈیا کے مطابق پیر کو مکہ مکرمہ کی گرینڈ مسجد میں درجہ حرارت 51.8 ڈگری ریکارڈ کیا گیا۔
سعودی حکام نے بتایا کہ مختلف اسپتالوں میں شدید گرمی کے باعث بیمار ہونے والے 2 ہزار حاجی زیر علاج ہیں۔
