مکہ مکرمہ : قومی کرکٹ ٹیم کے فاسٹ بولر محمد وسیم جونیئر نے سوشل میڈیا پرایک تصویر شیئر کرتے ہوئے اپنے نکاح کے بارے میں آگاہ کیا ہے۔
میڈیا رپورٹس کے مطابق سوشل میڈیا پر وائرل ہونے والی تصویر میں دیکھا جاسکتا ہے کہ محمد وسیم جونیئر کعبے کی طرف رخ کرکے اپنی اہلیہ کے ساتھ بیٹھے ہیں، اہلیہ نے اپنا سر قومی کرکٹ ٹیم کے فاسٹ بولر کے سرپر رکھا ہوا ہے۔
فاسٹ بولر نے اپنی پوسٹ میں نکاح اور اہلیہ کے بارے میں مزید تفصیلات نہیں بتائیں، صارفین نے دونوں کے لیے نیک تمناؤں کا اظہار کیا ہے۔
خیال رہے ک وسیم جونیئر پاکستان کی تینوں فارمیٹ میں نمائندگی کر چکے ہیں۔
