پشاور(اسپورٹس ڈیسک)خیبرپختونخوا آرچری ایسوسی ایشن نے آل پاکستان اوپن آرچری چمپئن شپ پشاور میں منعقد کرنے کا اعلان کر دیا ہے۔ اس ایونٹ میں خیبرپختونخوا کے مختلف اضلاع سمیت ملک بھر سے مرد اور خواتین تیر انداز شرکت کریں گے۔صوبائی تیر اندازی ایسوسی ایشن کے سیکرٹری سرفراز خان نے میڈیا سے بات کرتے ہوئے تیر اندازی کے فروغ میں اس ایونٹ کی اہمیت پر زور دیاور کہاکہ ہم نے پہلے بھی عمر کے مختلف مقابلوں کا انعقاد کیا ہے جس سے صوبے میں اس روایتی کھیل کی مقبولیت میں نمایاں اضافہ ہوا ہے۔سرفرازخان نے مزید کہاکہ ہمارا مقصد تیر اندازی کو فروغ دیناہے ۔
