راولپنڈی : حیدرآباد میں گدھے کی ٹانگ کاٹے جانے کے بعد راولپنڈی میں درندگی کا ایک اور واقعہ پیش آیا ہے، جہاں درخت کاٹنے سے منع کرنے پر بااثر افراد نے فائرنگ کرکے کاشتکار کی گدھی کو ہلاک کردیا۔
رپورٹ کے مطابق راولپنڈی کے علاقے مکھیال چکری میں درخت کاٹنے پر جھگڑا ہوا جس کے بعد با اثر افراد نے غصہ میں آکر کاشتکار کی گدھی پر فائرنگ کرکے مار دیا۔
گدھی کے مالک کی درخواست پر تھانہ چکری میں 11 ملزمان کے خلاف مقدمہ درج کرلیا گیا ہے۔ جن میں سے مقدمے میں محمد نواز، ثقلین، صفدر، شکیل اور 7 نامعلوم افراد نامزد ہیں۔
