حیدرآباد (اسٹاف رپورٹر) ایڈیشنل ڈپٹی کمشنر گدا حسین سومرو نے متعلقہ افسران کو ہدایت کی ہے کہ وہ محرم الحرام سے قبل شہر کے تمام مقامات سے عارضی تجاوزات کے خاتمے کو یقینی بنائیں۔ یہ بات انہوں نے اپنے دفتر میں ایچ ایم سی، ٹریفک اور دیگر محکموں کے افسران سے اجلاس کی صدار ت کرتے ہوئے کہی۔ انہوں نے کہا کہ انتظامیہ کی کوشش ہے کہ محرم الحرام سے قبل عزاداروں کو ہر ممکن سہولت فراہم کی جائے تاکہ ماتمی جلوسوں اور مجالس کے انعقاد میں کسی قسم کی پریشانی نہ ہو۔ انہوں نے کہا کہ تمام متعلقہ محکموں کے افسران حیدرآباد شہر کے تمام شاہراہوں سے عارضی تجاوزات کے خاتمے کو یقینی بنائیں، اس بات کو بھی یقینی بنائیں کہ دوبارہ تجاوزات نہ ہوں۔ اس موقع پر ٹریفک مینجمنٹ بورڈ کے اعزازی سیکرٹری جاوید اقبال نے اجلاس کو بریفنگ دیتے ہوئے اہم شاہراہوں پر عارضی تجاوزات کے حوالے سے تفصیلی بریفنگ دی۔
